СЕ УШТЕ ПРАЌАТЕ ФАКТУРИ ПО ПОШТА?

ENVOICE e решение базирано на веб наменето за деловни корисници што подразбира дека имате регистрирана фирма и сметка во банка. За да започнете со неговото користење, потребна ви е Интернет конекција и инсталиран функционален веб прелистувач.

Со активирање на некој од избраните пакети на ENVOICE добивате корисничко име и лозинка, коишто ќе ги користите за најава и влез за користење на решението.

Доколку сакате фактурите да се плаќаат и со кредитна/дебитна картичка, потребен ви е пристап и до системот за е-трговија на Халк Банка.

Фактурите коишто се генерираат преку ENVOICE решението може да бидат платени од страна на примателот на фактурата со кредитна/дебитна картичка. Покрај плаќање со кредитна/дебитна картичка, ENVOICE овозможува плаќањето да се изврши и преку PayPal, Stripe или Payoneer. На корисничката страна примателот добива електронска фактура и линк до неа и истата може да ја отвори преку некој веб прелистувач. Со тоа, примателот добива интерфејс во кој видливо се истакнати сите начини на кои може да ја плати фактурата.

За да можете да го поврзете ENVOICE со PayPal, Stripe или Payoneer, потребно е да имате отворена сметка кај кој било од наведените платежни системи. При креирање на фактурата и пред истата да ја доставите до примателот, можете да одберете на кој начин/и тој, односно примателот на фактурата, ќе може да го изврши плаќањето.

Доколку на некој ваш клиент му праќате фактура (му фактурирате) во точно дефинирани временски периоди, тогаш со ENVOICE имате можност да креирате периодични фактури. Со нив, корисникот ја добива соодветната фактура автоматски, без ваш дополнителен ангажман, во точен период, односно во точно определен интервал. Доколку услугата којашто ја добива од вас во одреден период е во мирување, можете да прескокнете онолку фактури колку што услугата е во мирување. Исто така, доколку повеќе не ви е потребна периодична фактура за тој корисник, можете да го запрете процесот на праќање на периодични фактури и да продолжите да праќате фактури по потреба.

На секоја фактура којашто ја испраќате до вашиот корисник, односно до примателот на фактурата, можете да прикачите дополнителна документација од Dropbox или Google Drive.